fbpx
World

സഖ്യസര്‍ക്കാർ ഉണ്ടാക്കാനുള്ള ക്ഷണം തള്ളി ബെന്നി ഗാന്റ്‌സ്; നെതന്യാഹു പടിയിറങ്ങുന്നു

വിശാല സഖ്യ സര്‍ക്കാര്‍ രൂപവത്കരിച്ച് ഇസ്രാഈലില്‍ ഭരിക്കുമെന്ന് ബ്ലൂ ആന്‍ഡ് വൈറ്റ് പാര്‍ട്ടി നേതാവ് ബെന്നിഗാന്റ്സ്. സഖ്യ സര്‍ക്കാരുണ്ടാക്കാന്‍ നെതന്യാഹു കൂടിക്കാഴ്ചയ്ക്ക് ക്ഷണിച്ച് മണിക്കൂറുകള്‍ക്കകമാണ് ബെന്നി ഗാന്റ്സ് തീരുമാനം അറിയിച്ചത്. ഇതോടുകൂടി നിലവിലെ പ്രധാനമന്ത്രി നെതന്യാഹുവിന്റെ പ്രതീക്ഷകള്‍ക്ക് കനത്ത തിരിച്ചടിയാണ് ഏറ്റത്.

Advertisement

ആര്‍ക്കും ഭൂരിപക്ഷമില്ലാത്ത സാഹചര്യത്തില്‍ വിശാല ലിബറല്‍ സഖ്യ സര്‍ക്കാര്‍ രൂപീകരിച്ച് താന്‍ പ്രധാനമന്ത്രിയാവും എന്നാണ് ബെന്നി ഗാന്റസ് വ്യക്തമാക്കിയത്. 120 അംഗങ്ങളുള്ള പാര്‍ലമെന്റില്‍ പുനര്‍ തെരഞ്ഞെടുപ്പ് കഴിഞ്ഞ് 97 ശതമാനം വോട്ടകള്‍ എണ്ണിക്കഴിഞ്ഞപ്പോള്‍ ഭരണകക്ഷിയായ ലിക്കുഡ് പാര്‍ട്ടിക്ക് 31 സീറ്റും ബ്ലൂ ആന്‍ഡ് വൈറ്റിന് 33 സീറ്റുമാണ് ലഭിച്ചത്. ബ്ലൂ ആന്‍ഡ് വൈറ്റ് സഖ്യത്തിന് നിലവില്‍ 56 സീറ്റുണ്ട്.

ഭൂരിപക്ഷം തെളിയിക്കാന്‍ 61 സീറ്റാണ് ആവശ്യം. അവിഗ്‌ദോര്‍ ലീബര്‍മാന്റെ ‘ഇസ്രഈല്‍ ബെയ്തിനു പാര്‍ട്ടി’ക്ക് ഒന്‍പതു സീറ്റുകളുണ്ട്. ഈ സാഹചര്യത്തില്‍ ലീബര്‍മാന്റെ തീരുമാനം നിര്‍ണായകമാവും. മതേതര ലിബറല്‍ ഐക്യ സര്‍ക്കാര്‍ രൂപീകരിക്കണമെന്ന ലീബര്‍മാന്റെ ആവശ്യം നെതന്യാഹുവിനെ തടയാന്‍ ലക്ഷ്യമിട്ടിട്ടുള്ളതാണെന്നാണ് വിലയിരുത്തപ്പെടുന്നത്. ലീബര്‍മാന്റെ നിലപാട് ബെന്നി ഗാന്റ്സിന് അനുകൂല സാഹചര്യമൊരുക്കാനാണ് സാധ്യത. ലീബര്‍മാന്റെ തീരുമാനത്തിലാണ് ബെന്നിഗാന്റ്സിന്റെ പ്രതീക്ഷയും.

കഴിഞ്ഞ ഏപ്രിലില്‍ നടന്ന തെരഞ്ഞെടുപ്പിന് ശേഷം നേരത്തെ നെതന്യാഹുവിന്റെ ഉറ്റ മിത്രമായിരുന്ന ലീബര്‍മാന്‍, ലിക്കുഡ് സഖ്യസര്‍ക്കാരില്‍ ചേരാന്‍ വിസമ്മതിച്ചിരുന്നു. ഇതോടെ ഭൂരിപക്ഷമില്ലാതായ സാഹചര്യത്തില്‍ വീണ്ടും തെരഞ്ഞെടുപ്പ് പ്രഖ്യാപിക്കാന്‍ നെതന്യാഹു നിര്‍ബന്ധിതനാവുകയായിരുന്നു.

ഇനിയൊരു തെരഞ്ഞെടുപ്പും അനിശ്ചിതത്വവും ഒഴിവാക്കാന്‍ സഖ്യ സര്‍ക്കാര്‍ ഉണ്ടാക്കണമെന്നാണ് നെതന്യാഹു പ്രതിപക്ഷത്തോട് ആവശ്യപ്പെട്ടത്. വലതുപക്ഷ സഖ്യത്തെ വിജയിപ്പിക്കാനുള്ള ശ്രമങ്ങള്‍ ഫലം കണ്ടില്ലെന്നും പ്രധാനമന്ത്രി പറഞ്ഞു. എന്നാല്‍ സഖ്യ സര്‍ക്കാരുണ്ടാക്കാന്‍ ഒരാള്‍ക്ക് രാഷ്ട്രീയ കൂട്ടുകെട്ടുകളും മലക്കം മറിച്ചിലുകളുമായി വരാനാകില്ലെന്നും താന്‍ ആരുടെയും ആജ്ഞകള്‍ സ്വീകരിക്കില്ലെന്നും ബെന്നി ഗാന്റ്സ് വ്യക്തമാക്കിയിരുന്നു.

Advertisement news truth
Advertisement
Close