ദില്ലി: ജമ്മുകശ്മീരില്‍ ഭീകരവാദികള്‍ക്കൊപ്പം അറസ്റ്റിലായ പൊലീസ് ഉദ്യോഗസ്ഥന്‍ ദേവിന്ദർസിംഗിനെ നിശബ്ദനാക്കാൻ ആർക്കാണ് താല്പര്യമെന്ന് രാഹുൽ ഗാന്ധി. തീവ്രവാദിയായ ദേവിന്ദർസിംഗിനെ നിശബ്ദനാക്കാനാണ് കേസ് എൻഐഎക്ക് വിട്ടതെന്നും ഇതോടെ കേസ് ഇല്ലാതായതായും രാഹുല പ്രതികരിച്ചു.
‘എന്‍ഐഎയെ നയിക്കുന്നത് മറ്റൊരു മോദിയാണ്. ഗുജറാത്ത് കലാപം അന്വേഷിച്ച വൈകെ മോദിയാണ് എൻഐഎയടെ തലപ്പത്ത്. ഇതോടെ കേസ് ഇല്ലാതായതുപോലെയായെന്നും രാഹുല്‍ പ്രതികരിച്ചു.
ഭീകരര്‍ക്കൊപ്പം കാർ യാത്രയ്ക്കിടെയാണ് ദേവീന്ദ്രര്‍ സിംഗ് പിടിയിലായത്. കശ്മീർ അതിർത്തി കടക്കാൻ ഹിസ്ബുള്‍ ഭീകരൻ ആയ നവീദ് ബാബുവിനെയും സംഘത്തേയും കാർ യാത്രയിൽ സഹായിക്കുക ആയിരുന്നു എന്ന് ആണ് വിവരം
