മൂന്ന് മാസത്തെ വാടക പകുതിയായി കുറച്ച് ചങ്ങരംകുളത്തെ കെട്ടിടയുടമ ഉദയൻ

ചങ്ങരംകുളം: കൊവിഡ് 19 മൂലം കച്ചവടം കുറഞ്ഞതോടെ മൂന്നു മാസത്തെ വാടക പകുതിയായി കുറച്ച് മാതൃകയാവുകയാണ് ചങ്ങരംകുളത്തെ കെട്ടിടയുടമ ഉദയൻ.

ചങ്ങരംകുളത്തു എടപ്പാൾ റോഡിലുള്ള യു.കെ ടവറിലെ കച്ചവടക്കാർക്കാണ് ഇയാൾ മൂന്നുമാസത്തെ വാടക പകുതിയായി കുറച്ചത്.

അതിനുശേഷവും­ ബുദ്ധിമുട്ടാണെങ്കിൽ പരിഹരിക്കാമെന്ന് ഇയാൾ വാടകക്കാർക്ക് ഉറപ്പ് നൽകിയിട്ടുണ്ട്. വാടക പകുതിയാക്കിയത് ഈ കെട്ടിടത്തിലെ കച്ചവടക്കാർക്ക് വലിയ അനുഗ്രഹമായി മാറിയിരിക്കുകയാണ്.

Content highlights: Shop rent, Coronavirus