fbpx

വികസിത രാജ്യങ്ങളെപ്പോലും കേരളത്തിന്റെ പോരാട്ടം അത്ഭുതപ്പെടുത്തി; ജനം വിവാദങ്ങളൊക്കെ വിലയിരുത്തുന്നുണ്ടെന്ന്: മുഖ്യമന്ത്രി

തിരുവനന്തപുരം: കോവിഡെന്ന മഹാമാരിയെ നേരിടാൻ കേരളം നടത്തിയ ശ്രമങ്ങളും ഈ സ്ഥിതിയിലെനേട്ടങ്ങളും ലോകത്തിലെ തന്നെ പല വികസിത രാജ്യങ്ങളെ പോലും അത്ഭുതപ്പെടുത്തിയെന്ന് മുഖ്യമന്ത്രി. നാം മുന്നോട്ട് എന്ന പരിപാടിയിൽ സംസാരിക്കുകയായിരുന്നു മുഖ്യമന്ത്രി പിണറായി വിജയൻ.

ഇത് കേരളമോഡലിന്റെ പ്രത്യേകതയാണെന്നും മുഖ്യമന്ത്രി പിണറായി വിജയൻ കൂട്ടിച്ചേർത്തു. സ്വാഗതാർഹമായ കാര്യമാണ് ലോകത്തിന്റെ തന്നെ ശ്രദ്ധ കേരളത്തിലേക്ക് വന്നതെന്നും അദ്ദേഹം പറഞ്ഞു. എന്നാൽ നാമതിൽ അഹങ്കരിക്കേണ്ട കാര്യമില്ലെന്നും മുഖ്യമന്ത്രി പറഞ്ഞു.

കോവിഡ് ഫലപ്രദമായി തന്നെ നേരിട്ടതിൽ സംസ്ഥാന സർക്കാരിന് സത്പേര് കിട്ടാൻ പാടില്ലെന്നു കരുതുന്ന ആളുകളാണ് ഏതെല്ലാം തരത്തിൽ അപകീർത്തിപ്പെടുത്താൻ പറ്റുമെന്നു ചിന്തിക്കുന്നതെന്നും. ഇതോരോ ഘട്ടത്തിലും നടന്നിട്ടുണ്ടെന്നും അദ്ദേഹം പറഞ്ഞു.

ഇപ്പോൾ വിവാദങ്ങളുടെ അടക്കം പിറകെപോകേണ്ട സമയമല്ലെന്നും മുഖ്യമന്ത്രി വ്യക്തമാക്കി. ജനങ്ങൾ അത് കാണുകയും വിലയിരുത്തുകയും ചെയ്യുമെന്നും അദ്ദേഹം പറഞ്ഞു. അതിനെയൊക്കെ അവഗണിച്ചുതള്ളാനാണ് ഉദ്ദേശിക്കുന്നതെന്നും പിണറായി വിജയൻ പറഞ്ഞു. ഇന്ന് രാത്രി 7.30 പരിപാടി കെെരളിയിൽ സംപ്രേഷണം ചെയ്യും.

POST YOUR COMMENT

THOSE WHO RESPOND TO THE NEWS SHOULD AVOID DEROGATORY, OBSCENE, ILLEGAL, INDECENT OR VULGAR REFERENCES. SUCH AN OPINION IS PUNISHABLE UNDER IT LAW. 'READERS' OPINIONS ARE SOLELY THOSE OF THE READH2ER, NOT OF THE NEWS TRUTH.

DON'T MISS

Back to top button