തിരുവനന്തപുരം: അഡ്വാന്‍സ്ഡ് വൈറോളജിക്ക് ഇന്‍സ്റ്റിറ്റ്യൂട്ട് ഓഫ് ഗ്ലോബല്‍ വൈറസ് നെറ്റ്വര്ക്കില് കേരളത്തിന് അംഗത്വം ലഭിച്ചതായി മുഖ്യമന്ത്രി പിണറായി വിജയൻ. മുഖ്യമന്ത്രി ഇക്കാര്യം തിരുവനന്തപുരത്ത് നടന്ന വാര്‍ത്ത സമ്മേളനത്തിലാണ് വ്യക്തമാക്കിയത്.
സംസ്ഥാനത്തെ ശാസ്ത്രസാങ്കേതിക കൗണ്‍സിലിന്റെ സയന്‍സ്പാര്‍ക്കില്‍ പ്രവര്‍ത്തിക്കുന്ന സ്ഥാപനം ലോകത്തിലെ തന്നെ വൈറോളജി നെറ്റ്വര്ക്കില് അംഗത്വം ലഭിക്കുന്ന രാജ്യത്തെ ഏക സ്ഥാപനമാണ്.
ഈ അംഗത്വം വഴി ലോകനെറ്റ്‌വര്‍ക്കിന്റെ ഇരുപത്തിരണ്ട് രാജ്യങ്ങളിലെ 45 ഓളം കേന്ദ്രങ്ങളിലെ ഗവേഷകരുമായി ഗവേഷണം, രോഗനിര്‍ണയം, തുടങ്ങിയ എല്ലാ കാര്യങ്ങളിലും കേരളത്തിന് ആശയവിനിമയം നടത്താന്‍ അവസരം ലഭിക്കുമെന്നും പിണറായി വിജയൻ പറഞ്ഞു.
