കേരളത്തിന് പുറത്ത് നിന്നുള്ള മലയാളികളുടെ ആദ്യ സംഘം കേരളത്തിലെത്തി; കൂടുതൽ ആളുകൾ വരും ദിവസങ്ങളിൽ എത്തും

തിരുവനന്തപുരം: ലോക് ഡൗണിൽ കുടുങ്ങി പോയ കേരളത്തിന് പുറത്ത് ജോലി ചെയ്യുന്ന മലയാളികളുടെ ആദ്യസംഘം കേരളത്തിലെത്തി പാലക്കാട് ഇവരെ എത്തിച്ചത്.

രാവിലെ എട്ടോടെയാണ് വാളയാർ ചെക്പോസ്റ്റിൽ വാഹനങ്ങൾ എത്തിയത്. നോർക്കയിലുടെ രജിസ്​റ്റർ ചെയ്തവർക്ക് സംസ്ഥാനത്തേക്ക് എത്താൻ പാസ്​ അനുവദിച്ചിരുന്നു. ഇത് ലഭിച്ചവർക്കാണ്​ കേരളത്തിലേക്ക് എത്താനാകുക.

പതിനാലോളം കൗണ്ടറുകളാണ്​ ചെക്പോസ്റ്റിൽ കർശനമായ പരിശോധനക്കായി ഒരുക്കിയിരുന്നത്. ഇവിടുത്തെ പരിശോധനകൾക്ക് ശേഷമാണ്​ വാഹനം കടത്തി വിടു. കേരളത്തിലേക്കുള്ളവരുടെ പരിശോധിക്കാനായി ഒരുക്കിയതു പോലെ

മറ്റ്​ സംസ്ഥാനങ്ങളിലേക്ക്​ കേരളത്തിൽ നിന്ന്​ പോകുന്നവർക്കായും​ കൗണ്ടറുകളുണ്ട്. രണ്ട് കൗണ്ടറുകളാണ് ഉള്ളത്. പൊലീസും സംസ്ഥാന ആരോഗ്യ പ്രവർത്തകരും റവന്യു ഉദ്യോഗസ്ഥരും അടക്കം ഉദ്യോഗസ്ഥരുടെ നീണ്ട നിര തന്നെ ചെക്​പോസ്​റ്റിലുണ്ട്​.​

ഡോക്​ടർമാർ പരിശോധിച്ച ശേഷം കോവിഡ് രോഗ ലക്ഷണങ്ങളുള്ളവരെ സർക്കാരിന്റെ 108 ആംബുലൻസിൽ സർക്കാർ ആശുപത്രിയിലെക്ക് ​നിരീക്ഷണത്തിനായി മാറ്റും. അവരുടെ സ്രവം അടക്കം ആവശ്യമെങ്കിൽ പരിശോധന സെൻററിലേക്ക്‌ വിടാനാണ്​ തീരുമാനമെന്ന് അധികൃതർ വ്യക്തമാക്കി.

30000 അടുത്ത് ആളുകൾ ആണ് കേരളത്തിലേക്ക് എത്താനുള്ളത് വരും ദിവസങ്ങളിൽ ഇവർ എത്തും ഇഞ്ചിവിള, മുത്തങ്ങ, ആര്യങ്കാവ്​, മഞ്ചേശ്വരം, കുമളി, ചെക്പോസ്റ്റുകളിലൂടെയാണ് മറ്റ് സംസ്ഥാനങ്ങളിൽ നിന്നും കേരളത്തിലെയും മലയാളികൾ എത്തുന്നത്‌. ഡോക്ടർ മാർ അടക്കം വൻ നിരതന്നെ സ്ഥലത്തുണ്ട്.