തിരുവനന്തപുരം: കേരളത്തിന്റെ ആരോഗ്യമന്ത്രി ശൈലജ ടീച്ചറെ വാനോളം പുകഴ്ത്തി ദി ഗാർഡിയൻ പത്രത്തിൽ വീണ്ടും ലേഖനം. റോക് സ്റ്റാറെന്ന് ശൈലജ ടീച്ചറെ വിശേഷിപ്പിച്ച് ലോകത്തിലെ തന്നെ ഏറ്റവും പ്രമുഖമായ ബ്രിട്ടിഷ് മാധ്യമം ഗാർഡിയൻ രംഗത്ത് എത്തിയിരിക്കുന്നത്.
ആരോഗ്യമന്ത്രിയുടെ നേത്യത്വത്തിൽ കേരളത്തിലെ കൊവിഡ് പ്രതിരോധത്തിന് വേണ്ടി നടത്തിയ ഇടപെടലുകളെ പ്പറ്റി പറയുന്ന ലേഖനം എഴുതിയത് ബ്രിട്ടിഷ് എഴുത്തുകാരിയും മെഡിക്കൽ ജേണലിസ്റ്റുമായ ലോറ സ്പിന്നിയാണ്.
ഗാർഡിയന്‍റെ വെബ്സൈറ്റിൽ ടോപ് ടെൺ വാർത്തകളിൽ നാലാമതായാണ് ആരോഗ്യ മന്ത്രിയെ കുറിച്ചുള്ള ഈ ആർട്ടിക്കിൾ ലിസ്റ്റ് ചെയ്തിരിക്കുന്നത്.
നാല് മരണങ്ങളാണ് ഇത്രയും നാള് കൊണ്ട് കേരളത്തിൽ റിപ്പോര്‍ട്ട് ചെയ്തതെന്നും പത്രം പറയുന്നു. ബ്രിട്ടനിൽ 40,000വും അമേരിക്കയില്‍ അത് 51,000 കടന്നുവെന്നും ലേഖനത്തില്‍ പറയുന്നു.
കോവിലിന്റെ അന്തകയെന്ന് ടീച്ചറെ നിരവധി മാധ്യമങ്ങള്‍ വിശേഷിപ്പിച്ചതും ചൂണ്ടിക്കാട്ടുന്ന ലേഖനത്തിൽ. ഗാര്‍ഡിയന്‍ മന്ത്രിയെ റോക്ക്സ്റ്റാര്‍ എന്നാണ് വിശേഷിപ്പിക്കുന്നത്.
തുടര്‍ന്ന് ആരോഗ്യ വകുപ്പ് മന്ത്രിയുടെ അടക്കം നേത്യത്വത്തിൽ കേരളത്തില്‍ നടന്ന കൊവിഡ് പ്രതിരോധത്തിന്‍റെ പ്രവര്‍ത്തനങ്ങളെ കുറിച്ച് വിശദമായി തന്നെ ലേഖനത്തില്‍ പറയുന്നുണ്ട്.
മന്ത്രിയുമായി ബന്ധപ്പെട്ട ശേഷമാണ് ലേഖനം തയ്യാറാക്കിയിരിക്കുന്നത്. ലോകരാജ്യങ്ങള്‍ക്ക് പോലും മാതൃകയായ മോഡ‍ലാണ് കേരളത്തിന്റേതെന്നും ലേഖനത്തില്‍ പറയുന്നു.
