fbpx

ഉപതെരഞ്ഞെടുപ്പിൽ എൽഡിഎഫിന് വൻ മുന്നേറ്റം

തിരുവനന്തപുരം: സംസ്ഥാനത്ത് വിവിധ വാർഡുകളിലേക്ക് നടന്ന ഉപതെരഞ്ഞെടുപ്പിൽ ഇടത് മുന്നണിയ്ക്ക് മുന്നേറ്റം. നിലവിൽ 23 സീറ്റിൽ എൽഡിഎഫ് വിജയിച്ചു. 12 സീറ്റുകളിൽ യുഡിഎഫും , 6 സീറ്റുകളിൽ ബിജെപിയും വിജയിച്ചു.

തൃപ്പുണിത്തുറയിൽ ഇടത് മുന്നണിയുടെ രണ്ട് സീറ്റുകൾ ബിജെപി പിടിച്ചെടുത്തു. ഇതോടെ നഗരസഭയിൽ ബിജെപിക്ക് 17 സീറ്റായി.

തിരുവനന്തപുരത്ത് 4 ഇടങ്ങളിൽ നടന്ന ഉപതെരഞ്ഞെടുപ്പിൽ 2 ഇടത്ത് വീതം യുഡിഎഫും എൽഡിഎഫും വിജയിച്ചു. കൊല്ലം ജില്ലയിൽ 6 വാർഡിൽ 5 ഇടത്തും എൽഡിഎഫ് വിജയിച്ചു.

പത്തനംതിട്ടയിൽ 3 ൽ 2 ഇടത്ത് എൽഡിഎഫ് വിജയിച്ചു, ഒരിടത്ത് യുഡിഎഫും വിജയിച്ചു. ആലപ്പുഴയിൽ ഓരോ സീറ്റുകളിൽ വീതം യുഡിഎഫും എൽഡിഎഫും വിജയിച്ചു. കോട്ടയം നഗരസഭയിലെ 35 ആം വാർഡിൽ ബിജെപി വിജയിച്ചു.

ഇടുക്കി ജില്ലയിൽ 3 ൽ രണ്ടിടത്ത് എൽഡിഎഫും, ഒരിടത്ത് ബിജെപിയും ജയിച്ചു. തൃശൂരിൽ 6 ൽ നാല് ഇടത്ത് എൽഡിഎഫ് വിജയിച്ചു. പാലക്കാട് ജില്ലയിലും എൽഡിഎഫ് മുന്നേറ്റമാണ് ഉണ്ടായത്. മലപ്പുറത്ത് 2 ഇടത്ത് യുഡിഎഫും, ഒരിടത്ത് എൽഡിഎഫും വിജയിച്ചു.

കോഴിക്കോട് കൊടുവള്ളി നഗരസഭയിൽ എൽഡിഎഫ് സ്ഥാനാർഥി വിജയിച്ചു. കണ്ണൂരിൽ 5 ൽ മൂന്നിടത്തും എൽഡിഎഫ് വിജയിച്ചു . രണ്ട് ഇടങ്ങളിൽ യുഡിഎഫ് മുന്നേറുകയാണ്.

POST YOUR COMMENT

THOSE WHO RESPOND TO THE NEWS SHOULD AVOID DEROGATORY, OBSCENE, ILLEGAL, INDECENT OR VULGAR REFERENCES. SUCH AN OPINION IS PUNISHABLE UNDER IT LAW. 'READERS' OPINIONS ARE SOLELY THOSE OF THE READH2ER, NOT OF THE NEWS TRUTH.

DON'T MISS

Back to top button