ജയ്പൂര്‍: ഭഗവത് ഗീത ക്വിസ് മത്സരത്തിൽ ഒന്നാം സ്ഥാനം നേടി മുസ്ലിം യുവാവ്. 16കാരനായ അബ്ദുള്‍ കാഗ്‌സിയെന്ന മുസ്ലിം മത്സരാർത്ഥിയാണ് ഒന്നാം സ്ഥാനം നേടിയത്. രാജസ്ഥാനിലെ ജയ്പുരിലാണ് സംഭവം. 9ാ. ക്ലാസുകാരനായ വിദ്യാർത്ഥി സംസ്‌കൃത ശ്ലോകങ്ങള്‍ ചൊല്ലിയും പുരാണ കഥാപാത്രങ്ങളെ കുറിച്ചുവിശദീകരിച്ചുമാണ് അയ്യായിരത്തിലധികം എതിരാളികളെ പിന്തള്ളിയാണ് കാഗ്‌സിയെന്ന യുവാവ് ഒന്നാം സ്ഥാനത്തെത്തിയത്
‘ലിറ്റിൽ കൃഷ്ണ’ എന്ന കാർട്ടൂൺ പരമ്പര കാണുന്നതിനിടയിലാണ് കൃഷ്ണനോടുള്ള താൽപര്യം വളർന്നതെന്നും ജീവിതത്തിലെ എല്ലാ പ്രശ്‌നങ്ങളും വളരെ എളുപ്പത്തിൽ പരിഹരിക്കാനാകുന്ന കൃഷ്ണനോടുള്ള ആരാധനയാണ് ഇതിലേക്ക് നയിച്ചതെന്നും കാഗ്സി പറഞ്ഞു.പിന്നീട് കൃഷ്ണനെ കുറിച്ച് കൂടുതൽ അറിയാൻ താരുമാനിക്കുകയും ഇതിനായി മഥുരനാഥ് എഴുതിയ പുസ്തകം വായിക്കാന്‍ തുടങ്ങിയെന്നും കാഗ്സി വെളിപ്പെടുത്തി.
സെപ്റ്റംബറിലാണ് ഭഗവത് ഗീത ക്വിസുമായി ബന്ധപ്പെട്ട് എഴുത്തുപരീക്ഷ നടന്നത്. ശേഷം എഴുത്തുപരീക്ഷയില്‍ നിന്ന് 60 പേരെ അഭിമുഖത്തിനായി തെരഞ്ഞെടുക്കകയും ഇവരെ പിന്തളളി കാഗ്സി വിജയം സ്വന്തമാക്കുകയായിരുന്നു. മറ്റൊരു മതത്തെയും ദൈവത്തെയും കുറിച്ച് പഠിക്കാൻ വീട്ടിൽ നിന്നും പൂർണപിന്തുണയാണെന്നും കാഗ്സി പറയുന്നു. ജയ്പൂരില്‍ പലചരക്ക് കട നടത്തുകയാണ് അബ്ദുള്‍ കാഗ്‌സിയുടെ പിതാവ്
