ഛണ്ഡീഗഢ്: പൗരത്വ ബില്ലിനെ അനുകൂലിച്ച ഹരിയാനയുടെ മുഖ്യമന്ത്രി മനോഹർ ലാല്‍ ഖട്ടറിന് പൗരത്വം തെളിയിക്കാനുള്ള രേഖകളില്ലെന്ന് റിപ്പോർട്ട്. വിവരാവകാശ നിയമംവഴി ചോദിച്ച ചോദ്യത്തിന് ലഭിച്ച മറുപടിയിലാണ് ഇക്കാര്യം പറയുന്നത്.
മറുപടിയിൽ ക്യാബിനറ്റ് മന്ത്രിമാര്‍, മുഖ്യമന്ത്രി, എന്നിവർക്ക് പൗരത്വം തെളിക്കാനുള്ള രേഖകള്‍ കൈവശമില്ലെന്നാണ് ഹരിയാനസര്‍ക്കാര്‍ വ്യക്തമാക്കിയത്. ഒരു പൊതു പ്രവര്‍ത്തകനാണ് വിവരാവകാശ നിയമം വഴി ജനുവരി 20നാണ് ചോദ്യം ഉന്നയിച്ചത്.
മുഖ്യമന്ത്രി അടക്കമുള്ളവരുടെ പൗരത്വം തെളിയിക്കാനുള്ള രേഖകള്‍ കൈവശം ഇല്ലെന്നാണ് ഹരിയാന പൊതുവിവരാവകാശ ഓഫീസര്‍ വ്യക്തമാക്കിയത്. ദേശീയ പൗരത്വരജിസ്റ്റര്‍ വഴി അനധികൃത കുടിയേറ്റം തടയാനാകുമെന്നും. ഹരിയാനയില്‍ നിയമം നടപ്പാക്കുമെന്നും കഴിഞ്ഞ തെരഞ്ഞെടുപ്പ് പ്രചാരണത്തിനിടെ ഖട്ടര്‍ വ്യക്തമാക്കിയിരുന്നു.
