ദില്ലി: ഇപ്പോഴത്തെ നിലയിൽ സുപ്രീം കോടതിയുടെ പ്രവർത്തനത്തിനങ്ങളെ രൂക്ഷമായി വിമർശിച്ച് ജസ്റ്റിസ് മദൻ ബി.ലോക്കൂർ. റിട്ടയേർഡ് ജഡ്ജാണ് ഇദ്ദേഹം കോടതിയുടെ കൊവിഡ് കാലത്തുള്ള പ്രവർത്തനങ്ങൾ നിരാശപ്പെടുത്തുന്നതാണെന്നും ജഡ്ജി കുറ്റപ്പെടുത്തി.
ഭരണഘടനാപരമായ ചുമതലകൾ സുപ്രീംകോടതി തൃപ്തികരമായി നിറവേറ്റുന്നില്ലെന്നും അദ്ദേഹം പറഞ്ഞു. എങ്ങനെ ഇനിയങ്ങോട്ട് മുന്നോട്ട് പോകണമെന്നതിൽ ആത്മപരിശോധന കോടതി നടത്തണമെന്നും അദ്ദേഹം ആവശ്യപ്പെട്ടു.
മുൻപൊക്കെ പ്രവർത്തിച്ചതിനെക്കാൾ സജീവമായി പ്രവർത്തിക്കേണ്ട സമയമാണിതെന്നും. സുപ്രീംകോടതിയുടെ അന്യസംസ്ഥാന തൊഴിലാളികളുടെ വിഷയത്തിലെ അടക്കം നിലപാട് നിരാശപ്പെടുത്തിയെന്നും ലോകൂർ പറഞ്ഞു.
സർക്കാരിനോട് ഉചിതമായ രീതിയിൽ നടപടി സ്വീകരിക്കാൻ പറയുന്നതിനോടൊപ്പം സുപ്രീം കോടതിക്കും ഉത്തരവാദിത്തങ്ങൾ നിറവേറ്റാനുണ്ടെന്നും അദ്ദേഹം ഓർമിപ്പിച്ചു.
ജമ്മു കശ്മീർ, പൗരത്വ ഭേദഗതിയുമായി ബന്ധപ്പെട്ട ഹർജികളിൽ വാദംകേൾക്കുന്നത് എന്തുകൊണ്ടാണ് മാറ്റിയതെന്ന് മനസിലാകുന്നില്ലെന്നും ജസ്റ്റിസ് ലോകുർ പറഞ്ഞു.
