ദില്ലി: കൊവിഡ് 19 മൂലമുണ്ടായ പ്രതിസന്ധികളെ നേരിടാനായി നരേന്ദ്ര മോദി പ്രഖ്യാപിച്ച 20 ലക്ഷം കോടിയുടെ സാമ്പത്തിക പാക്കേജിനെ രൂക്ഷമായി വിമര്‍ശിച്ച് കോണ്‍ഗ്രസിന്റെ മുതിർന്ന നേതാവ് പി ചിദംബരം.
മോദിയുടെ പ്രഖ്യാപനം തലക്കെട്ട് മാത്രമെഴുതിയ കാലി പേപ്പറാണെന്നും പി ചിദംബരം വ്യക്തമാക്കി. ധനമന്ത്രി നിര്‍മലാ സീതാരാമന്‍ കാലി പേപ്പര്‍ എങ്ങനെയാണ് പൂരിപ്പിക്കുക എന്നും താന്‍ ഉറ്റുനോക്കുന്നതായി ചിദംബരം വ്യക്തമാക്കി.
സര്‍ക്കാര്‍ സമ്പദ് വ്യവസ്ഥയിലേക്ക് അടക്കം ഇറക്കുന്ന പണം സൂക്ഷ്മമായി ഞങ്ങള്‍ വിലയിരുത്തുമെന്നും. ഗുണം ആര്‍ക്കാണ് ലഭിക്കുന്നതെന്ന് പരിശോധിക്കുമെന്നും അദ്ദേഹം പറഞ്ഞു.
പട്ടിണികിടക്കുന്നവര്‍ക്കും പാവങ്ങള്‍ക്കും 100കണക്കിന് കിലോമീറ്റര്‍ വീടുകളിലെത്താന്‍ താണ്ടുന്ന തൊഴിലാളികളക്ക് അടക്കം ഇതിൽ നിന്നും ഗുണം ലഭിക്കുന്നുണ്ടെ എന്നതടക്കം പരിശോധിക്കുമെന്നും കോൺഗ്രസ് നേതാവ് പറഞ്ഞു.
